Háskóli Íslands

3. Ritröð Lagastofnunar - Kynferðisbrot

Í september kemur út 3. hefti ritraðar Lagastofnunar, en þar birtist ritgerð Ragnheiðar Bragadóttur prófessors við lagadeild HÍ um kynferðisbrot.

Fyrri hlutinn er ritgerð þar sem gerð er grein fyrir tveimur fyrstu ákvæðum XXII. kafla almennra hegningarlaga nr. 19/1940 sem fjallar um kynferðisbrot. Þessi ákvæði eru 194. gr. um nauðgun og 195. gr. um aðra ólögmæta kynferðisnauðung.

Í seinni hlutanum birtist frumvarp til laga um breytingu á tilteknum ákvæðum í kynferðisbrotakafla almennra hegningarlaga. Frumvarpið samdi Ragnheiður veturinn 2005-2006 að ósk dómsmálaráðherra og felur það í sér endurskoðun ákvæðanna um nauðgun og önnur brot gegn kynfrelsi fólks, kynferðisbrot gegn börnum og vændi.
Við samningu frumvarpsins byggði Ragnheiður á rannsóknum sínum á ákvæðum kynferðisbrotakafla almennra hegningarlaga, bæði löggjöfinni sjálfri og framkvæmd hennar.

Í ritröðinni hafa áður verið gefnar út ritgerðirnar, Viðbótarkröfur verktaka í verksamningum eftir Jóhannes Karl Sveinsson hrl. og Milliverðlagning eftir Ágúst Karl Guðmundsson lögfræðing.

Þú ert að nota: brimir.rhi.hi.is