Háskóli Íslands

Evrópuréttur - Áhrif EES-samningsins á íslenska stjórnsýslu

 

Tími: 3. febrúar 2015, kl. 16:30-19:30.
Skráningarfrestur: 28. janúar 2015.
Kennari: Kjartan Bjarni Björgvinsson LL.M. í Evrópurétti og lögfræðingur við EFTA-dómstólinn í Lúxemburg.
Staðsetning:  Lögbergi, stofu 103 - ATHUGIÐ BREYTT STOFA

                                Skráning - Fullbókað er á námskeiðið

Um námskeiðið
Sameiginlegar reglur EES-svæðisins og Evrópusambandsins sem íslenska ríkið er skuldbundið til að taka upp í löggjöf verða stöðugt víðtækari og hafa þar af leiðandi sífellt meiri áhrif á störf stjórnsýslunnar. Reglur þessar setja því meðal annars skorður hvernig ríki og sveitarfélög haga sölu eigna, hvernig unnt er að skipuleggja biðlista í heilbrigðiskerfinu og hvernig hægt er að haga álagningu opinberra gjalda. Þá hafa reglurnar áhrif á hvaða ákvarðanir hægt er að taka í málum sem varða umhverfið, markaðsetningu lyfja og ýmiss konar félagsleg réttindi, svo sem rétt til greiðslna úr almannatryggingum og félagslegra styrkja.

Námskeiðinu er ætlað að veita grundvallarinnsýn í þessar réttarreglur og hvernig áhrif þeirra birtast helst í stjórnsýslu ríkis og sveitarfélaga. Umfjöllunin verður studd raunhæfum dæmum bæði úr íslenskri sem erlendri framkvæmd.

Kjartan Bjarni Björgvinsson er cand.jur. frá Háskóla Íslands og með meistarapróf frá London School of Economics and Political Science 2006. Kjartan starfaði sem lögfræðingur hjá umboðsmanni Alþingis frá árinu 2002 og sem aðstoðarmaður umboðsmanns Alþingis frá árinu 2006 til 2009. Kjartan hefur kennt lögfræði við Háskóla Íslands um nokkurra ára skeið. Hann starfar nú sem lögfræðingur við EFTA-dómstólinn í Lúxemborg

 

 

 

Þú ert að nota: brimir.rhi.hi.is