Háskóli Íslands

Aðstoð laganema við rannsóknir á vegum Lagastofnunar

Auglýst er eftir meistaranemum við Lagadeild Háskóla Íslands til að aðstoða við rannsóknir á vegum Lagastofnunar Háskóla Íslands.

Hinn 30. janúar sl. tóku gildi reglur um aðstoð meistaranema Lagadeildar HÍ við rannsóknir á vegum Lagastofnunar HÍ (rannsóknaraðstoð). Reglurnar má nálgast hér.

Laganemar sem lokið hafa BA-prófi við Lagadeild HÍ og eru skráðir í meistaranám við deildina geta sótt um að sinna rannsóknaraðstoð samkvæmt fyrrgreindum reglum. Fyrir rannsóknaraðstoð samkvæmt reglunum fást allt að 6 ECTS einingar ef tilskildum kröfum er fullnægt, sbr. einkum 3. gr. Rannsóknaraðstoð getur tekið til hvaða réttarsviðs sem er, svo sem kröfuréttar, eignaréttar, réttarfars, norðurslóðaréttar o.fl.

Umsóknum vegna rannsóknaraðstoðar skal beint til Lagastofnunar á netfangið lagastofnun@hi.is. Umsóknarfrestur er til og með 12. febrúar nk. Við mat á því hvort umsókn skuli samþykkt er m.a. litið til námsárangurs og annarra atriða sem máli geta skipt. Leitast verður við að svara umsóknum innan viku frá því að umsóknarfresti lýkur.

Þú ert að nota: brimir.rhi.hi.is