Háskóli Íslands

Auglýsing vegna rannsóknaraðstoðar í vátryggingarétti

Auglýst er eftir meistaranema á 4. námsári (fyrra ári meistaranáms) við Lagadeild Háskóla Íslands til að aðstoða við rannsóknir á vegum Lagastofnunar á vormisseri 2020. Nánar tiltekið er um að ræða aðstoð við rannsóknir á sviði vátryggingaréttar í umsjón Viðars Más Matthíassonar rannsóknaprófessors. Nánari upplýsingar veitir Friðrik Árni Friðriksson Hirst framkvæmdastjóri Lagastofnunar (faf@hi.is).

Umsóknafrestur er til og með mánudagsins 3. febrúar 2020. Umsóknum skal beint til Lagastofnunar á netfangið lagastofnun@hi.is.

Við mat á umsóknum er m.a. litið til námsárangurs og annarra atriða sem máli geta skipt. Leitast verður við að svara umsóknum innan viku frá því að umsóknarfresti lýkur. Áskilinn er réttur til að hafna öllum umsóknum.

Reglur um aðstoð meistaranema Lagadeildar HÍ við rannsóknir á vegum Lagastofnunar HÍ (rannsóknaraðstoð) má nálgast hér. Fyrir rannsóknaraðstoð samkvæmt reglunum fást allt að 6 ECTS einingar ef tilskildum kröfum er fullnægt, sjá nánar tilvísaðar reglur.

 

Þú ert að nota: brimir.rhi.hi.is