Árið 2003 gaf Lagastofnun út ritið Fiskveiðireglur Íslands og Evrópusambandsins eftir Óttar Pálsson lögmann og Stefán Már Stefánsson prófessor við Lagadeild Háskóla Íslands.
Þar er fjallað um lagareglur Evrópusambandsins á sviði fiskimála, stjórnun fiskveiða á Íslandi og áhrif sambandsréttar á íslenskar fiskveiðireglur ef til þess kæmi að Ísland gerðist aðili að Evrópusambandinu.
Ritið hefur verið yfirfarið og uppfært af Hildi Ýri Viðarsdóttur hdl. Um er að ræða uppfærslu laga- og reglugerðarákvæða og dóma eftir atvikum. Kaflaskiptingu Fiskveiðireglna Íslands og Evrópusambandsins er fylgt í uppfærslunni. Þá er einnig vísað til blaðsíðutals í því riti.